ဗီယက်နမ်နိုင်ငံတွင် အခက်အခဲကြုံတွေ့နေရသည့် မြန်မာနိုင်ငံသူ ၂ ဦးဖြစ်သည့် မနွယ်နီဝင်းနှင့် မချစ်စုစုကျော်တို့အား အမိနိုင်ငံသို့ အမြန်ဆုံးပြန်လည်ပို့ဆောင်နိုင်ရေး အတွက် ဟနွိုင်းမြို့အခြေစိုက် မြန်မာသံရုံးသည် နိုင်ငံတော်အစိုးရ၏ လမ်းညွှန်မှုဖြင့် ဗီယက်နမ်နိုင်ငံ သက်ဆိုင်ရာအာဏာပိုင်များနှင့် ချိတ်ဆက်ညှိနှိုင်းဆောင်ရွက်၍ ၁၄-၁၂-၂၀၂၄ ရက်၊ ဒေသစံတော်ချိန် ၁၄၁၀ နာရီတွင် ဗီယက်နမ်နိုင်ငံ၊ ဟနွိုင်းမြို့ Noi Bai အပြည်ပြည် ဆိုင်ရာလေဆိပ်မှ နေပြည်တော်သို့ ပျံသန်းထွက်ခွာသည့် တပ်မတော်(လေ)မှ လေယာဉ်ဖြင့် ပြန်လည်ပို့ဆောင်ပေးခဲ့သည်။
မနွယ်နီဝင်းနှင့် မချစ်စုစုကျော်တို့သည် တရားမဝင် အလုပ်အကိုင်ပွဲစား၏ ချိတ်ဆက် ပေးမှုဖြင့် ဗီယက်နမ်နိုင်ငံသို့ ၁၆-၁၁-၂၀၂၄ ရက်တွင် ရောက်ရှိလာခဲ့ခြင်းဖြစ်ပြီး၊ ဗီယက်နမ်-တရုတ်နယ်စပ်ရှိ ဗီယက်နမ်ပြည်နယ်တစ်ခုဖြစ်သည့် Cao Bang ပြည်နယ်သို့ ပို့ဆောင် ချိန်တွင် မိုဘိုင်းဖုန်း၊ ငွေကြေးများကိုသိမ်းဆည်းပြီးနောက် ၎င်းတို့အား စွန့်ပစ်ခံခဲ့ရပါသည်။ သို့ဖြစ်ရာ ၎င်းတို့အနေဖြင့် အခက်အခဲကြုံတွေ့နေခဲ့ပြီး ယင်းဒေသရှိ ဗီယက်နမ်ရဲစခန်းမှ တစ်ဆင့် မြန်မာသံရုံးသို့ ၁၁-၁၂-၂၀၂၄ ရက်တွင် ဆက်သွယ် အကူအညီတောင်းခံလာပါသည်။ မြန်မာသံရုံးမှ တာဝန်ရှိပုဂ္ဂိုလ်များမှ အဆိုပါရဲတပ်ဖွဲ့ဝင်များနှင့် ညှိနှိုင်းဆောင်ရွက်ကာ မြန်မာသံရုံးသို့ ခေါ်ဆောင်၍ ၎င်းတို့ ခေတ္တနေထိုင် စားသောက်ရေးအတွက် စီစဉ်ဆောင်ရွက် ပေးကာ လိုအပ်သော ငွေကြေးထောက်ပံ့မှုများ ပြုလုပ်ပေးခဲ့ပါသည်။ ယင်းနောက် မြန်မာ နိုင်ငံသို့ ချောမောစွာ ပြန်လည်ထွက်ခွာခွင့် ရရှိရေးအတွက် ဗီယက်နမ်နိုင်ငံ တာဝန်ရှိ အဖွဲ့အစည်းများနှင့်ဆောလျင်စွာ ညှိနှိုင်းဆောင်ရွက်ပေးခဲ့ရာ နိုင်ငံတော်အစိုးရ၏ အစီအစဉ် ဖြင့် တပ်မတော်(လေ)လေယာဉ်ဖြင့် အမိမြေသို့ ပြန်လည်ထွက်ခွာနိုင်ခဲ့ခြင်းဖြစ်သည်။
နိုင်ငံတော်အစိုးရအနေဖြင့် မြန်မာသံရုံးနှင့် ကောင်စစ်ဝန်ချုပ်ရုံးများ၏ ညှိနှိုင်းကူညီ ဆောင်ရွက်ပေးမှုမှတစ်ဆင့် ပြည်ပနိုင်ငံများ၌ အခက်အခဲကြုံတွေ့နေရသည့် မြန်မာ နိုင်ငံသားများအား အစဉ်တစိုက် ကူညီစောင့်ရှောက်ပေးလျက်ရှိပါသည်။

မြန်မာသံရုံး၊ ဟနွိုင်းမြို့
ရက်စွဲ၊ ၂၀၂၄ ခုနှစ်၊ ဒီဇင်ဘာလ ၁၅ ရက်

Myanmar Embassy in Hanoi assists two Myanmar Nationals for returning home

Under the guidance of the Myanmar Government, Myanmar Embassy in Hanoi coordinated with relevant authorities of Viet Nam to repatriate two Myanmar Nationals, Ma Nwe Ni Win and Ma Chit Su Su Kyaw who encountered difficulties in Viet Nam. The Myanmar Military aircraft brought them back from Noi Bai International Airport to Nay Pyi Taw on 14-12-2024 at 1410 hours local time.
Ma Nwe Ni Win and Ma Chit Su Su Kyaw arrived in Viet Nam on 16-11-2024 with the arrangement of a scam employment agency. After being relocated them to Cao Bang Province of Viet Nam, where border with China, they were abandoned after their mobiles and money were stolen. Therefore, they were experiencing difficulties and tried to contact Myanmar Embassy in Hanoi on 11-12-2024 through the assistance of local Police station. Officials of the Myanmar Embassy coordinated with local police officers to transport them to the Embassy in Hanoi. Once they arrived at the Embassy, they were provided temporary accommodation, foods and necessary financial support by the Embassy. In order to smoothly return home, Myanmar Embassy promptly coordinated with the relevant authorities of Viet Nam and arranged for them to go home safely by the Tatmadaw Aircraft.
The Myanmar Government persistently protects and assists Myanmar Citizens who are facing difficulties in foreign countries in coordination with Myanmar Embassies and Consulates-General.

Myanmar Embassy, Hanoi
Dated: 15 December 2024