(၁၉-၆-၂၀၂၄ ရက်၊ နေပြည်တော်)

ဂျပန်နိုင်ငံရှိ Asia-Pacific Ladies Friendship Society (ALFS) အဖွဲ့ကြီးက နှစ်စဉ်ကျင်းပပြုလုပ်သည့် Charity Bazaar မှ အမြတ်ငွေများအား သဘာဝဘေးဒဏ်ခံစားရသည့် ဒေသများသို့ လှူဒါန်းခြင်းနှင့် အဆိုပါဈေးရောင်းပွဲတွင် ပါဝင်ခဲ့သည့် သံရုံးများသို့ အချိုးကျခွဲဝေပေး၍ လိုအပ်သည့်နေရာဒေသများသို့ လှူဒါန်းရန်အတွက် ပေးအပ်လျက်ရှိရာတွင် တိုကျိုမြို့၊ မြန်မာသံရုံးအတွက် အချိုးကျခွဲဝေရရှိသည့် ယန်း ၆၉၅,၀၀၀/- နှင့် ညီမျှသောရရှိသည့် မြန်မာကျပ် သိန်းတစ်ရာ့ခုနစ်ဆယ်အနက်မှ ကျပ်သိန်းငါးဆယ်တိတိအား နေပြည်တော်-မန္တလေးအမြန်လမ်း (၂၀၄ မိုင် ၄ ဖာလုံ) ရှိ အာစိဏ္ဏသီရိပရဟိတ ဝိပဿနာရိပ်သာ (မိဘမဲ့) ကျောင်း ဆရာတော် အရှင်ဉာဏသီရိ (ဖုန်း-၀၉၇၉၉၄၆၄၅၃၃) ထံသို့ ယနေ့ ၁၉-၆-၂၀၂၄ ရက်၊ ၁၁:၀၀ နာရီတွင် လှူဒါန်းပေးအပ်ခဲ့ပါသည်။

တိုကျိုမြို့၊ မြန်မာသံရုံးမှတစ်ဆင့် ပေးပို့လှူဒါန်းခဲ့သည့် အလှူငွေများအား နေပြည်တော်အထွေထွေရောဂါကုဆေးရုံကြီး (ကုတင်-၁၀၀၀) သို့ ကျပ်သိန်းငါးဆယ်၊ နေပြည်တော်၊ သစ်လေးလုံးရွာ၊ မြတ်ဆုမွန်လူငယ်ဖွံ့ဖြိုးရေး ပရဟိတဂေဟာသို့ ကျပ်သိန်းငါးဆယ်၊ နိုင်ငံခြားရေးဝန်ကြီးဌာန၊ နေ့ကလေးထိန်းကျောင်းသို့ ကျပ်နှစ်ဆယ်သိန်း ခုနစ်သောင်း သုံးထောင် တစ်ရာခုနစ်ဆယ့်တစ်တိတိတို့အား လှူဒါန်းခဲ့ပြီးဖြစ်ကြောင်း သိရှိရပါသည်။