ပြည်ထောင်စုသမ္မတမြန်မာနိုင်ငံတော်၊ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန်က ရန်ကုန်မြို့ရှိ ဖိလစ်ပိုင်သံရုံး၊ သံရုံးယာယီတာဝန်ခံဖြစ်သူ မစ္စတာ အန်ဂျလီတို နာရန် ကို လက်ခံတွေ့ဆုံ (၅-၃-၂၀၂၅ ရက်)

(၅-၃-၂၀၂၅ ရက်၊ နေပြည်တော်)

ပြည်ထောင်စုသမ္မတမြန်မာနိုင်ငံတော်၊ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန်သည် ရန်ကုန်မြို့ရှိ ဖိလစ်ပိုင်သံရုံး၊ သံရုံးယာယီတာဝန်ခံဖြစ်သူ မစ္စတာ အန်ဂျလီတို နာရန် ကို ၅-၃-၂၀၂၅ ရက် (ဗုဒ္ဓဟူးနေ့)၊ ၁၄၀၀ နာရီအချိန်တွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့သည်။

ထိုသို့တွေ့ဆုံစဉ် မြန်မာ-ဖိလစ်ပိုင် နိုင်ငံတို့အကြား တည်ရှိသည့် နှစ်နိုင်ငံဆက်ဆံရေးကို ပိုမိုမြှင့်တင်သွားရေး၊ နှစ်နိုင်ငံဘုံအကျိုးစီးပွားဖြစ်ထွန်းစေမည့် နယ်ပယ်များတွင် ပူးပေါင်းဆောင်ရွက်သွားရေးနှင့် မြန်မာနိုင်ငံရှိ ဖိလစ်ပိုင်နိုင်ငံသားများအတွက် ကောင်စစ်ဆိုင်ရာကိစ္စရပ်များအား ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သိရှိရပါသည်။