နိုင်ငံခြားရေးဝန်ကြီးဌာန၊ စီမံကိန်းနှင့်စီမံရေးရာဦးစီးဌာန၊ ညွှန်ကြားရေးမှူးချုပ် ဦးကျော်တင်ရှိန်က တိုကျိုမြို့၊ မြန်မာသံရုံးမှတစ်ဆင့်လှူဒါန်းသည့် အလှူငွေများပေးအပ် (၁၃-၆-၂၀၂၄ ရက်)

(၁၃-၆-၂၀၂၄ ရက်၊ နေပြည်တော်)

ဂျပန်နိုင်ငံရှိ Asia-Pacific Ladies Friendship Society (ALFS) အဖွဲ့ကြီးမှ နှစ်စဉ် ကျင်းပပြုလုပ်သည့် Charity Bazaar မှ အမြတ်ငွေများအား သဘာဝဘေးဒဏ်ခံစားရသည့် ဒေသများသို့ လှူဒါန်းခြင်းနှင့် အဆိုပါဈေးရောင်းပွဲတွင် ပါဝင်ခဲ့သည့် သံရုံးများသို့ အချိုးကျခွဲဝေပေး၍ လိုအပ်သည့်နေရာဒေသများသို့ လှူဒါန်းရန်အတွက် ပေးအပ်လျက်ရှိရာတွင် တိုကျိုမြို့၊ မြန်မာသံရုံးအတွက် အချိုးကျ ခွဲဝေရရှိသည့် ယန်း ၆၉၅,၀၀၀/- နှင့် ညီမျှသောရရှိသည့် မြန်မာကျပ် သိန်းတစ်ရာ့ခုနစ်ဆယ်အနက်မှ ကျပ်သိန်းငါးဆယ်တိတိ အားနေပြည်တော်၊ ပျဉ်းမနားမြို့၊ သစ်လေးလုံးရွာရှိ မြတ်ဆုမွန်လူငယ်ဖွံ့ဖြိုးရေးပရဟိတ ဂေဟာ ဆရာတော် ဘဒ္ဒန္တသူရိယ ထံသို့ ၁၃-၆-၂၀၂၄ ရက်နေ့၊ ၁၁:၀၀ နာရီတွင် လှူဒါန်းပေးအပ် ခဲ့ပါသည်။ ထို့အတူ အလှူငွေ ကျပ် ၂,၀၇၃,၁၇၁/- (ကျပ်နှစ်ဆယ်သိန်းခုနှစ်သောင်းသုံးထောင် တစ်ရာခုနစ်ဆယ့်တစ်တိတိ)အား နိုင်ငံခြားရေးဝန်ကြီးဌာန နေ့ကလေးထိန်းကျောင်းသို့ ဆက်လက်ပေးအပ်လှူဒါန်းခဲ့ရာ၊ ဒုတိယညွှန်ကြားရေးမှူးချုပ် ဦးသော်တာအောင်နှင့် နေ့ကလေးထိန်းကျောင်း တာဝန်ရှိသူများက လက်ခံရယူခဲ့ကြောင်း သိရှိရပါသည်။