နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးလွင်ဦးက တိုကျိုမြို့၊ မြန်မာသံရုံးမှတစ်ဆင့်လှူဒါန်းသည့် အလှူငွေပေးအပ် (၁၂-၆-၂၀၂၄ ရက်)

(၁၂-၆-၂၀၂၄ ရက်၊ နေပြည်တော်)

ဂျပန်နိုင်ငံရှိ Asia-Pacific Ladies Friendship Society (ALFS) အဖွဲ့ကြီးမှ နှစ်စဉ် ကျင်းပပြုလုပ်သည့် Charity Bazaar မှ အမြတ်ငွေများအား သဘာဝဘေးဒဏ်ခံစားရသည့် ဒေသများသို့ လှူဒါန်းခြင်းနှင့် အဆိုပါဈေးရောင်းပွဲတွင် ပါဝင်ခဲ့သည့် သံရုံးများသို့ အချိုးကျခွဲဝေ ပေး၍ လိုအပ်သည့်နေရာဒေသများသို့ လှူဒါန်းရန်အတွက် ပေးအပ်လျက်ရှိရာတွင် တိုကျိုမြို့၊ မြန်မာသံရုံးအတွက် အချိုးကျခွဲဝေရရှိသည့် ယန်း ၆၉၅,၀၀၀/- နှင့် ညီမျှသော မြန်မာကျပ် သိန်းတစ်ရာ့ခုနစ်ဆယ်အနက်မှ ကျပ်သိန်းငါးဆယ်တိတိအား နေပြည်တော် အထွေထွေရောဂါကုဆေးရုံကြီး (ကုတင်-၁၀၀၀) သို့ ၁၂-၆-၂၀၂၄ ရက်၊ ၁၁:၀၀ နာရီတွင် လှူဒါန်းပေးအပ်ခဲ့ပါသည်။ အလှူငွေပေးအပ်ပွဲအခမ်းအနားအား နေပြည်တော် အထွေထွေရောဂါကုဆေးရုံကြီး (ကုတင်-၁၀၀၀) တွင် ပြုလုပ်ခဲ့ပြီး၊ တိုကျိုမြို့၊ မြန်မာသံရုံးကိုယ်စား နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးလွင်ဦးက နေပြည်တော် အထွေထွေရောဂါကုဆေးရုံကြီး (ကုတင်-၁၀၀၀) ဆေးရုံအုပ်ကြီး ပါမောက္ခ ဒေါက်တာရဲမြင့်ထံသို့ ပေးအပ်လှူဒါန်းခဲ့ပါသည်။ လှူဒါန်းရန်ကျန်ရှိငွေများအား အခြားသော ပရဟိတမိဘမဲ့ကျောင်းများသို့ ဆက်လက်လှူဒါန်း သွားမည်ဖြစ်ကြောင်း သိရှိရပါသည်။